Logo de que na tarde do mércores, dende Lugo e dende Elx, se disputase a fase Final Estatal do Concurso Odisea 2010, e tal e como se recolle nas bases, publicamos A CLASIFICACIÓN DEFINITIVA do mesmo.

Dende aquí a nosa Noraboa aos dous finalistas.

Hoxe celebramos a final Estatal do concurso Odisea. Preme aquí para entrar na páxina da final do Concurso.

O vindeiro mércores 24 de febreiro celebrarase a tan esperada final da ODISEA 2010, que disputarán os equipos de LAS SUPLICANTES, do IES MISTERI D' ELX (ALACANT), vencedor na Comunidade Valenciana, e LAS ESCLAVAS DE DAVO, do COLEXIO SAN JOSÉ DE LUGO, equipo vencedor en Galicia, que concursará dende o IES Nosa Señora dos Ollos Grandes de Lugo.

Dende SEECGalicia desexamos toda a sorte para os dous finalistas.

Tras atender as reclamacións, publicamos a listaxe definitiva coa clasificación final dos equipos participantes na fase galega da ODISEA 2010.

Recordamos que o vindeiro mércores, 24 de febreiro, terá lugar a FINAL Estatal, que disputarán o campeón de Galicia e o campeón da Comunidade Valenciana.

CLASIFICACIÓN FINAL ODISEA 2010 - FASE DE GALICIA

Pica aquí para ver o resto dos equipos

Unha vez atendidas as reclamacións, tal e como marcan as bases, pasamos a publicar a listaxe definitiva dos equipos que disputarán o desempate o vindeiro mércores 10 de febreiro e as sés respectivas que acollerán a proba. Son 30 equipos empatados a 79 puntos.

Na quinta edición do concurso acadamos unhas cifras que constitúen un novo récord de participación, tanto en Galicia como en Valencia. Estes son os números:

Galicia:

• 290 equipos inscritos (aproximadamente 870 alumnos participantes)
• 54 centros participantes

Comunidade Valenciana:

• 308 equipos inscritos (aproximadamente 924 alumnos participantes)
• 67 centros participantes

Mañá, luns 11 de xaneiro, comeza a inscrición dos equipos participantes no concurso en liña Odisea 2010.

Poderán participar todos os alumnos e alumnas matriculados nos Centros Oficiais de Ensino Secundario de Galicia durante o curso 2009/2010, formando equipos de tres membros como máximo. Estes equipos deberán contar cun profesor ou profesora responsable. Un memso profesor poderá ser responsable de varios equipos.

A inscrición dos equipos realizarase entre os días 11 e 27 de xaneiro de 2010, ambos inclusive, cubrindo o formulario de inscrición directamente dende esta web de SeecGalicia. Unha vez cuberto, cada equipo recibirá no correo-E do profesor responsable unha clave para poder concursar.

Un ano máis presentamos unha nova edición do concurso Odisea, a quinta, que contará de novo coa participación das Seccións da SEEC de Valencia e Alicante.

A inscrición dos equipos será ao longo do mes de xaneiro de 2010, e o concurso comezará na primeira semana de febreiro.

Estas son as bases e o calendario do concurso.